神州社交媒体嘅发展愈来愈蓬勃，网络上就流行咗一份新兴嘅职业，个名就叫做”网红”（网络红人）。有Ｄ好Ｈｉｔ嘅”网红”年薪甚至可以赚过亿人仔，故有唔少人都吼实呢份工，话想分一杯羹咁话喎！
据报话，米兰时装周嘅Ｐｒａｄａ春夏季发布会喺上个礼拜举行，除咗有盈盈好钟意嘅手袋之外，另一焦点就落喺有”Ｂａｇｓ包先生”之称嘅神州网红梁韬身上，佢仲畀人安排坐喺《时尚》（Ｖｏｇｕｅ）主编安娜（ＡｎｎａＷｉｎｔｏｕｒ）嗰排座位之上，可见神州网红已吸引到国际嘅关注喇。
有外媒估计，国际品牌全力打入神州孖屐，事关神州占全球奢侈品销售足足三分之一咁多，而买家嘅普遍年龄就比其他地方更趋年轻化；故Ｐｒａｄａ之所以要请”Ｂａｇｓ包先生”远赴米兰，正正就系想借佢有３００几万个Ｆａｎｓ嘅人气，同埋佢身上代表嘅时尚指标，来挽救Ｐｒａｄａ正在下滑嘅销售业绩。
Ｐｒａｄａ喺今年仲会喺神州、南韩、日本、澳洲同埋俄罗斯等地方推出电子商务平台添。照盈盈估计，Ｐｒａｄａ查实系想借”网红”呢个商标，来打造新嘅线上零售市场，至于能否成功，大家一于拭目以待喇。盈盈都好期待Ｐｒａｄａ电贸平台开张，皆因到时上装买到个心水Ｐｒａｄａ手袋仔用来衬下衫，咁就”Ｐｅｒｆｅｃｔ池”喇！《任盈盈》
《编者按》本栏搜罗即市传闻，惟消息未经证实，《经济通》亦不保证内容之准确性。